رحمة الله عليه…
كتبهاعبد الرحمن ، في 16 سبتمبر 2008 الساعة: 05:15 ص
الأول : كيفك يا زلمة وكيفو ابوك ان شاء لله تحسن ؟
التاني : انا ماشي حالي الحمد لله بس الوالد عطاك عمره
الأول : العمر إلك بعرف كان عندو القلب ، الله يرحمه
التاني : بس والله ما مات من القلب
الأول : كيف توفى؟
التاني : الله يرحمه بآخر فترة ضعف نظره كتير ، مرة طلع عالبلكون ما شاف طرف البلكونه وقع وبتعرف بيتنا ثالث طابق
الأول : له له على هالموتة ، بكل الأحوال الله يرحمه
التاني : والله تعذبنا فيه كتير وعملنالو شي 12 عملية لتحسن وطاب
الأول : لكان كيف توفى؟
التاني : صار يحمل عكازة ومرة عم يقطع الطريق ، سيارة مسرعة خبطته
الأول : يه يه الله يرحمه
التاني : ربك رحيم كان فيه جار إلنا حطه بالسيارة ولحقو عالمستشفى ، بس النزيف الداخلي كان رهيب
الأول : الله يرحمه بكل الأحوال
التاني : بس سفرناه على اسبانيا ، وضلينا شي 6 أشهر عم نعالج فيه ، والحمد لله تحسن
الأول : طيب كيف مات ؟
التاني : صار معه فشل كلوي حاد ، وصرنا ندور على متبرع كلية وتأخرنا وصار معه تسمم
الأول : الله يرحمو ارتاح
التاني : بالصدفة إجا شخص بيعرفه من زمان ، تبرعلو بالكلية بآآآآخر نفس
الأول : لكان كيف مات؟
التاني : والله مرة بالبيت وهو قاعد ما انتبه عالغاز ، احترقت الشقة وهو لحاله فيها
الأول : يالطيف على هالموتة ما أبشعها الله يرحمه
التاني : بس والله جارنا الله يجزيه الخير ، كسر باب البيت ولحقو بآآآآخر لحظة
الأول : لك فهمّنا كيف مات ؟
التاني : والله اضطرينا نطخه !!!!!!!!!!
خخخخخخخخخخخخخخخخخخخخخخخخ
عجبتني.. وحبيت أنقلها لكم.
ـــــــــــــــــــــــــــــــــــــــــــــــــــــــــ
التصنيفات : ضحكات.. وابتسامات | السمات:ضحكات.. وابتسامات
أرسل الإدراج | دوّن الإدراج
